24-27 ოქტომბერს (2011 წ.) ბრაზილიის ქალაქ რიო დე ჟანეიროში საბაგირო ტრანსპორტის საერთაშორისო ასოციაციის  O.I.T.A.F.- ის  (INTERNATIONAL ORGANISATION FOR TRANSPORTATION BY ROPE) ეგიდით  გაიმართა მსოფლიო კონგრესი. მიუხედავად ევროპისგან და ჩრდილოეთ ამერიკისგან დიდი მანძილით დაცილებისა, სამხრეთ ამერიკის ამ ცნობილ ქალაქში გამართულ მე-10 საიუბილეო კონგრესში მონაწილეობა მიიღო საბაგირო ტრანსპორტის  300 -ზე მეტმა სპეციალისტმა: მეცნიერებმა, მწარმოებლებმა, ოპერატორებმა, ბაგირგზების უსაფრთხოებაზე სახელმწიფო ზედამხედველობის ორგანოების წარმომადგენლებმა. კონგრესის წამყვანი მოტივი იყო  ბაგირგზების გამოყენებება - საქალაქო ტრანსპორტში და ტურიზმში, რაშიც სამხრეთ ამერიკასა და განსაკუთრებით ბრაზილიას წამყვანი პოზიცია უკავია.